Постарата ќерка осомничена за тројното убиство во Дебар, во притвор и лице од Гостивар како помагач

Дваесет и осумгодишната Б.П. е осомничена за тројното убиство во Дебар, кое се случи минатата недела. Таа се сомничи дека ги застрелала своите татко и мајка, како и 14 годишната сестра. Осомничената е во притвор, заедно со уште две лица, едно од Гостивар и едно од Дебар, кои се товарат дека и помогнале во делото.

„Надворешната канцеларија за криминалистички работи Дебар до Основното јавно обвинителство во врска со убиството на А.П. (54), Н.П. (53) и нивната 14-годишна ќерка во Дебар поднесе кривична пријава против Б.П. (28) од Дебар поради основано сомнение дека сторила кривично дело „убиство“, како и против Ф.Г.(31) од Гостивар и В.К. (61) од Дебар за помагање во врска со „убиство“. Лицата се приведени, а судија на претходна постапка од Основниот суд Гостивар им одреди притвор во траење од 48 часа.“, соопшти МВР.

Трите члена од семејството Поцеста беа убиени на спиење, а нивните безживотни тела ги пронајдоа роднини. Мотивите за убиството се расветлуваат.