Хуманата акција на МОНТЕНЕГРО донесе радост и насмевки за учениците

Компанијата Монтенегро по повод почетокот на новата учебна година, спроведува акција за помош на најзагрозените социјални семејства од Гостивар и околината, со која учениците се опремуваат со комплети училишен прибор. Од компанијата велат дека безгрижноста на секое дете е најдрагоценото нешто, кое секогаш треба да се поттикнува и помага, и токму затоа ја покренале оваа иницијатива, да им го олеснат септември на семејствата кои не можат да си дозволат да ги подноват дечињата.

„Ги замоливме Центарот за социјални работи и училиштата од Гостивар, да ни достават податоци на кои семејства и деца им е најнеопходна помош за да ја започнат новата учебна година безгрижно како сите останати. Така, деновиве ги посетуваме, им ја делиме донацијата и им посакуваме многу успеси во училиште“, велат од Монтенегро.

Компанијата најави дека и во иднина ќе поддржува и иницира општествено корисни акции со цел да им се помогне на оние граѓани, на кои помошта им е најнеопходна.