Загина работник при поставување канализација во гостиварско Форино

Возрасен маж од селото Вруток го загубил животот додека работел на поставување канализација во гостиварското село Форино, информираат од гостиварската полиција.

Од првичните информации од увидот што е во тек, се претпоставува дека 64-годишниот М.М. додека поставувал цевки за канализација, во еден момент врз него се урнало поголемо количество на земја и го затрупало. Починатиот со уште две лица бил ангажиран од неколку семејства да направат приклучок на селската канализација во Форино.

По завршувањето на увидот ќе бидат познати повеќе детали и причините кои довеле до трагичниот настан што се случи претпладнево во селото Форино.