Продолжува сончевиот септември во Гостивар и регионот

Времето во Гостивар во деновите од новата работна недела ќе биде претежно сончево. На повисоките места во поширокиот гостиварски регион, се очекуваат посвежи температури.

Денес, понеделник беа измерени утрински температури од 10 целзиусови степени, а дневната ќе достигне до максимум 27. Времето ќе биде претежно сончево, а денот ќе трае 12 часа и 25 минути,

Слични временски прилики не очекуваат и во останатите денови од вторник до петок. Метеоролозите не најавуваат значителни промени на времето. Температурата ќе се движи во интервал од 10 до 28 целзиусови степени. Можни се периоди на кратки наоблачувања, но прогнозите одат во прилог на прилично сончеви денови.

Во Маврово, температурите ќе изнесуваат од  9 целзиусови степени, до максимум 19.  Времето ќе варира од повремено облачно со можности за дожд, до претежно сончево.