Според Државниот завод за статистика просечната плата во септември е 25.435 денари

Просечната месечна исплатена нето-плата по вработен, во септември 2019, изнесува 25.435 денари, а бруто-платата 37.797 денари, објави Државниот завод за статистика.

Според нивните пресметки ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Транспорт и складирање (10.4 %), Уметност, забава и рекреација (9.1 %) и Административни и помошни услужни дејности (9.0 %).

Зголемување на просечната месечна исплатена бруто-плата по вработен, во однос на претходниот месец, е
забележано во секторите: Јавна управа и одбрана; задолжително социјално осигурување (5.0 %), Образование (3.2 %) и Уметност, забава и рекреација (2.0 %).

Најдобро платени професии остануваат компјутерско програмирање, рударство и вадење на камен, консултантски и сродни дејности, складирање и помошни дејности во превозот, снабдување со електрична
енергија, гас, пареа и финансии.