Голема акција низ кафеани и барови во Гостивар и Тетово – приведени девојки од Србија, Албанија, Бугарија…

Ноќеска во периодот од 22 до 4 часот по полноќ, полициски службеници при Секторот за внатрешни работи Тетово во координација со Регионалниот центар Север, повеќе организациски единци во МВР, како и надлежни инспекциски служби при УЈП, Трудовата и Пазарната инспекција, спровеле акциска контрола во угостителски објекти каде престојуваат и нелегално се вработени странски државјани, како и за откривање на други кривични дела, соопшти МВР.

Во акцијата биле опфатени пет угостителски објекти, од кои три на подрачјето на Тетово и два на гостиварското подрачје. При контролата биле затекнати вкупно 39 женски лица од кои 13 се државјанки на Република Македонија, како и 26 странски државјанки од кои 11 се државјанки на Србија, девет на Албанија, четири на Бугарија, и по една од Босна и Херцеговина и од Косово. Затекнатите девојки биле на возраст од 20 до 46 години. Лицата се приведени и задржани за понатамошна постапка, соопшти портпаролот на СВР Тетово, Марјан Јосифоски.