Гостивар
Образованието повторно отвори „војна“ меѓу општина Гостивар и Министерството
Сликата од февруари лани, се повтори и годинава – општина Гостивар остана без надлежностите во образованието. Министерството ги одзеде ингеренциите за разрешување и именување на директори во училиштата, со образложение дека биле констатирани прекршувања во законот. Огнот меѓу двете страни веднаш се разгоре и секој се обидува да си ја брани својата вистина.
„Разрешувани се директори во основните и средни училишта без постапка, именувани се директори без постапка и голем дел од нив не ги исполнувале условите пропишани со закон за да бидат директори.“, изјави министерот за образование, Арбер Адеми.
Градоначалникот Арбен Таравари, пак одлуката за одземање на ингеренциите ја оцени како политички реваншизам.
„Нема повреда на законот за да биде донесена таква одлука. Еднаш ги одземаа надлежностите девет месеци, и тоа време беше искористено од партијата на власт за да ги вратат директорите кои јас ги разрешив, значи директорите од поранешниот режим во Гостивар. За среќа во таа несреќа, тие огласи ги објавиле во два весника за да ги вратат старите директори на ДУИ, а според законот требало во три. Поради таа причина ги разреши и самиот министер, тоа е документирано. На истиот начин како што тој разреши еден директор, јас ги разрешив и другите“, вели градоначалникот.
Со свои реакции излегоа и гостиварските ограноци на ДУИ и Алијанса за Албанците. Очекувано, ДУИ во одбрана на одлуката на Министерството, Алијанса во одбрана на Таравари.
Во меѓувреме трпат учениците и наставниот кадар во училиштата во Гостивар, со оглед на честите промени на директорските места.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница