Поскапуваат цигарите

Од пред неколку денови, во продавниците повеќе брендови на цигари се продаваат по нова цена, поскапи за околу 5 денари.

Законот за акцизи на цигарите и производите од тутун предвидува зголемување на цената на цигарите секоја година за најмалку 4 денари до 2023 година што би значело дека со вакво темпо, одредени брендови може да се продаваат и до 200 денари.

Сепак, во земјава покачувањето на акцизата не се врзува секогаш за поскапувањето на цигарите во малопродажба. Некои производители веднаш ги покачуваат цените, а некои се одлучуваат да ја компензираат акцизата, но се тоа мора да се изедначи до крајниот датум.