Што се случува со ОУ “Гоце Делчев” во Гостивар?!

Во само 5 дена добивме неколку барања од наши сограѓани да информирме за состојбата во едно од основните училишта во Гостивар. Основното Училиште Гоце Делчев.

Загрижените родители информираат дека условите за следење настава во училниците се морничави. Покривот на училиштето е уништен, во училниците капе вода, влага и мувла по ѕидовите има насекаде. Дотраените столчиња и клупи ги нема доволно. Спортската сала исто не ги задоволува ни основните потреби, условите се сурови. Советот на родители во неколку наврати реагираше, се потпишуваа петиции, се организираа да се потикнат надлежните да се реши овој сериозен проблем во училиштето. До денес ништо не е превземено.

Се надеваме дека овој апел ќе допре до сите надлежни институции. Да се свестат и нормализираат условите за да има квалитетна настава. Едноставно се работи за здравјето на нашите деца.