Направете сами масло од ѓумбир, помага при вироза, стрес, настинка..

Есенцијалното масло од овој здрав корен многу лесно може да се набави во продавниците, но на едноставен начин може да го направите и сами од две состојки што ќе ги најдете во секоја продавница – ѓумбир и маслиново масло.

Најчесто се користи за инхалација за олеснување на симптомите при настинка и грип. Есенцијалното масло од ѓумбир едноставно се додава во врела вода, главата се прекрива со пешкир како при секоја инхалација и пареата се вдишува. Ова масло е исто така одлично и за масажа на телото, особено за опуштање после претрпен стрес.

Подготовка:
Исечете го ѓумбирот заедно со кожата за да наполните чаша од 2,4 dl . Потоа истурете чаша и половина маслиново масло во огноотпорен сад и додадете го ѓумбирот. Ставете го во рерна и оставете да отстои на 70 степени околу два часа.

Потоа во цедалка ставете чиста газа и исцедете го маслото. Слободно може да стиснете со рацете за да исцедите што е можно повеќе. Ставете го маслото во тегла и напишете го датумот кога сте го направиле. Обично може да се користи после шест месеци. Чувајте го на темно и студено место.