Две лица го прекршиле полицискиот час последново деноноќие

Во периодот од 07.00 часот на 15.04. до 07.00 часот на 16.04.2020, на подрачјето на Гостивар вкупно 2 лица, не ја почитувале, односно ја прекршиле одлуката за ограничено движење, поради што се лишени од слобода, задржани во полициската станиц Гостивар и ќе им се изготват поднесоци по член 206 од Кривичниот законик за „непостапување според здравствени прописи за време на епидемија“, информира полицијата.

Во овој период вкупниот број на лица спроведени во државен карантин во Гостивар изнесува 148. Полициските службеници на СВР Тетово извршиле контроли на сите лица со решенија за изолација издадени од Државен здравствен и санитарен инспекторат.

Контролирани, исто така, биле и 72 едно лице од Гостивар со изјави за самоизолација. При контролите на лицата со решенија и со писмени изјави не се констатирани непочитувања.