Од денеска забранет превоз со автобуси и комбиња кон и од Тетово

Согласно одлуката на Владата од денес (21 април) се забранува организиран превоз на патници за влез и излез во и од подрачјето на Општина Тетово, ккао и сите околни општини во тетовскиот регион.

Исклучок од оваа забрана е организираниот превоз што го вршат економските оператори за своите вработени лица до работните места, како и организираниот превоз на вработените лица во Министерството за внатрешни работи и Министерството за одбрана – Армијата на Република Северна Македонија, како и вработените во територијалните противпожарни единици во овие општини.

Превозот со приватни возила не е опфатен со оваа забрана.

Владата за Тетово донесе и мерка за забрана за движење на населението без носење на соодветна заштитна опрема (маска, шал, марама), надвор од своите домови, на сите јавни места и површини од отворен и затворен тип, како и затворени простории, маркети, продавници или сл. Оваа мерка ќе започне да важи од од 22 април (среда).