Дрвокрадци ги оставиле „џиповите“ со дрва и избегале

Вчера, околу 12 часот, полициски службеници на СВР Тетово-Одделение за внатрешни работи Гостивар во месноста „Бунарџик“, атар на гостиварското село Форино, на шумски пат, пронашле две патнички моторни возила „опел фронтиера“ и „санг јонг кориндо“ без регистарски ознаки, натоварени со околу 4 метри кубни огревни дрва, чии сопственици претходно ги оставиле и избегале во непозната насока, соопшуваат од полицијата.

Извршен е увид, а возилата и дрвата се одземени и предадени во Јавното претпријатие „Национални шуми-Шар“ во Гостивар.