Официјално: Струјата поскапува за 7,4 % – евтината тарифа не се укинува

Се зголемува цената на електричната енергија. Претседателот на Регулаторната комисија за енергетика Марко Бислимоски, ја соопшти одлуката за поскапување на цената на струјата за 7,4 %.

„Сите енергетски компании во земјава побараа зголемување на цената на електричната енергија поради зголемените трошоци и намалената потрошувачка, како и проблемите со ликвидноста што ги предизвика пандемијата. Знаеме дека оваа одлука ќе влијае врз крајните потрошувачи. Нашите пресметки покажаа дека на месечна сметка за електрична енергија од 1.500 денари, со поскапувањето доаѓаат за плаќање плус 100 денари.“, рече Бислимоски.

Тој исто така, информираше и дека имајќи ја предвид пандемијата, евтината тарифа нема да се укине и останува во истите термини.

Новата цена на струјата ќе биде околу 5,9 денари за киловат во скапа тарифа и 2,9 денари во евтина тарифа.

Новата цена почнува да важи од утре (1 август)