Las Pozas – Необичната градина на англискиот поет Едвард Џејмс

Во Ксилитли, гратче во кое живеат околу 10.000 жители, во државата Сан Луис Потоси се наоѓа Лас Позас, необична градиnа која ја креирал Едвард Џејмс, ексцентричен англиски поет, уметник и еден од заштитниците и припадници на движењето на надреализмот.

Голем љубител на растенијата и животните, Џејмс долго го привлекувале џунглите во Мексико, па така во 1947-ма година купил плантажа со кафе во џунгла во Сан Луис Потоси и ја претворил во дом на орхидеи и егзотични животни. Откако во 1962 година ниските температури и мразот уништиле голем дел од растенијата, Џејмс почнал да ја гради градината преполна со необични скулптури кои можат да се видат и денес.

Изградбата започнала во 1962-ра година, а траела наредните 20 години, сѐ до неговата смрт во 1984-та година. Во превод Las Pozas значи “базени“, а градината го добила името по деветте базени кои се наоѓаат во него.

Во Лас Позас денес можат да се најдат бројни скулптури, некои личат на билки, некои на животни, а некои воопшто не се знае дали се завршени или штотуку започнати. Поголемиот дел од градината ја осмислил и изградил Плутако Гастелум, пријател на поетот и кодизајнер, кој во Smithsonian магазинот е опишан како “половина Јакуи индијанец, а половина шпански аристократ, поранешен ранчер, боксер, телеграфист и аматерски архитект“.