2МФЛ: Вардар Форино славеше во Дебар – ФК Гостивар нерешено со Велешта

Викендов се одигра 4.коло од Втората Македонска фудбалска лига. Екипата на Вардар од Форино после 2 нерешени и еден загубен натпревар ја запиша првата победа во новата сезона. Форинци успеаја на гостински терен да ја совладаат екипата на Кораб во Дебар, со резултат 0:1. Стрелец на единствениот погодок беше Егзон Азири во 16. минута. Со овие три, Вардар има вкупно пет бодови и се наоѓа на 7 позиција на табелата. Во следното коло ќе ја пречекаат екипата на Кадино од Скопје.

ФК Гостивар на Градскиот стадион ја пречека амбициозната екипа на Велешта. Без победник заврши дербито на западот, во кое домаќините спасуваа пораз против Велешта. Гостите поведова во 37.минута преку Лога од пенал, но Есати во 70.минута успеа да израмни на 1:1. ФК Гостивар имаше можност за целосен пресврт во финишот, но избраниците на Топчиу, не реализираа пенал. Со 8 бодови се наоѓаат на 2. позиција на табелата, во следното коло ќе се сретнат со екипата на Дрита во Боговиње.