Соленото езеро Чака во Кина, наречено „Огледало на небото“

Едно од најубавите езера во северозападна Кина е соленото езеро Чака, кое всушност е голема солена рамница која се полни со вода за време на обилни дождови кога езерото достигнува ширина од околу 9 и должина од околу 15 км. За време на сувата сезона, езерото е многу помало, но само тогаш можете да ја видите сцената што ги тера сите да го посетат – огледало на небото.

Езерото е многу плитко, на некои места длабочината на водата не го надминува глуждот, што им овозможува на посетителите слободно да одат по езерото. И кога небото е чисто, тоа се рефлектира во езерото, создавајќи илузија дека всушност одите по небото. Затоа соленото езеро Чака стана познато како „Огледало на небото“.

Регионот во кој се наоѓа езерото порано било море. Тектонските движења ја подигнале земјата за повеќе од 3.000 метри што формирало огромна висорамнина. Малите џебови од преостанатата морска вода станаа солени езера.

Солта се вади од овие езера веќе 3000 години, а денес годишно се произведуваат стотици тони висококвалитетна сурова сол.