Гостивар
НАЈЧИТАНИ ВО 2020: Мајор од Форино шие и подарува заштитни маски
На опашката сме од оваа 2020-та година и редно е да се потсетиме на најинтересните и најчитаните текстови на Gostivarpress.mk од 1 јануари, па се до денеска (без хроника и ковид). Порталот Gostivarpress.mk во оваа 2020 објави околу 4.200 вести, од кои 95% се авторски на редакцијата и имаше повеќе од 8.151.000 посети.
Денес утре и задутре, целосно ќе ги реобјавиме 15-те најчитаните прилози, да се потсетиме што беше тоа што најмногу го привлече вашето внимание…
Објавенo на: Мар 22, 2020 @ 14:20
Шивачкиот дуќан Париз од гостиварското село Форино, се приклучи во мерките за заштита од коронавирусот. Во дуќанот деновиве се изработуваат и бесплатно се делат маски на сите луѓе кои не успеале навреме да обезбедат, а имаат потреба да се заштитат на овој начин. Сопственикот Мирсад Салиу, кој е мајор во македонската Армија секојдневно после работното време шие маски за да помогне во борбата против корона.
„Само вчера подарив 120 маски, кои ги шијам сам во мојот шивачки дуќан Париз. Ситуацијата со коронавирусот се прошири секаде, многу луѓе немаат обезбедено заштитни средства па ми дојде идеја да шијам маски и да поделам за „себап“, а преку Gostivarpress.mk информираме што повеќе луѓе на кои им требаат. Дневно правам околу 150 маски. Ги повикувам сите луѓе од околните села и Гостивар на кои им требаат маски да дојдат во дуќанот и слободно да си земат“, вели Мирсад.
Мајор Мирсад ги користи занаетот и желбата да помогне и да испрати порака до сите луѓе, дека хуманоста е многу потребна, особено во ваква кризна состојба, како што е актуелната.
Шивачкиот дуќан Париз, се наоѓа во центарот на Форино.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ