КК Гостивар доби играч од КК Игокеа

Немања Николиќ е ново име во Кошаркарскиот клуб Гостивар. Дваесет и две годишниот босански кошаркар ќе ја засли конкуренцијата на позициите 2 и 3 во редовите на гостиварскиот прволигаш.

Интересно е тоа што Николиќ пристигнува во Гостивар како позајмен играч од Кошаркарскиот клуб Игокеа до крајот на сезоната, што е резултат на пријателскиот однос што го имаат раководствата на двата клуба, кои се надеваат на понатамошна подлабока соработката помеѓу тимот од Лакташи, Република Српска – БиХ и КК Гостивар.

Николиќ е роден 1998 година, висок е 196 сантиметри, член на КК Игокеа, уште има настапувано и за КК Братунац и КК Борац од Бања Лука, има меѓународно искуство во Јадранската АБА лига.