Зошто сончогледовото семе треба да се јаде редовно?

Сончогледот е богат извор на хранливи материи и е многу добар за нашето здравје. Ова семе содржи голем број на киселини, витамини и минерали, кои што му помагаат на нашиот организам.

Сончогледот најчесто се одгледува поради маслото што го користиме секој ден за да подготвуваме оброци, и за тоа се користат семките од сончоглед.

Тие можат да се јадат сурови или печени, како закуски.

Ова се придобивките од семето:

Богати се со хранливи материи

Семките од сончоглед се добар извор на витамини, особено витамини од групата Б, витамини Ц и Е. Тие содржат голем дел од есенцијални минерали како што се фосфор, магнезиум, манган, цинк и железо. Сите заедно, а особено тие, помагаат во одржувањето на коските, ткивата и виталните органи и најмногу помагаат во процесот на лекување.

Помагаат на срцето

Семките од сончоглед содржат висок процент на линолеинска киселина, што помага да се намали холестеролот. Семето содржи и олеинска киселина, која може да ги намали триглицеридите, причина за срцеви проблеми.

Помагаат кај луѓето со дијабет

Луѓето со дијабетес не можат да произведат доволно инсулин за да внесат глукоза во нивните клетки. Резултатот е зголемување на нивото на шеќер во крвта и оштетување на крвните садови и виталните органи. Семките од сончоглед не само што имаат низок гликемиски индекс, туку содржат и хлорогена киселина, која го контролира нивото на шеќер во крвта.

Сончогледот ни ги чува коските

Покрај калциумот, на коските им треба бакар и магнезиум. Овие минерали се наоѓаат и во семето од сончоглед. Семките од сончоглед се богати со магнезиум, што е најдобра гаранција дека вашите коски ќе бидат здрави. Спречува грчеви во мускулите, богато е со бакар, кој обезбедува флексибилност на коските и зглобовите. Редовната употреба на семе исто така може да спречи артритис.

Тие го забрзуваат заздравувањето на раните

Некои истражувања имаат покажано дека сончогледот може да помогне во заздравувањето на раните. Линолеинската киселина во семето помага да се забрза процесот на заздравување на раните.

Ни ги чуваат кожата и косата

Овие семиња ќе помогнат вашата коса и ноктите да блеснат. Витаминот Е, со кој се богати, е најдобриот лек против стареење и најдоброто средство за обновување на кожата. Витаминот Е спречува појава на акни и некои други кожни болести, тие се одлични за пилинг на лицето, а може да се користат и за чистење на целото тело.

Поради поволната содржина на есенцијална линолеинска масна киселина, витамин Е и протеини, редовното внесување семе ја навлажнува дехидрираната кожа и може да помогне при егзема. Телото користи бакар за производство на меланин, кој и дава на кожата убава и здрава боја, а бакарот им помага на метаболичките процеси на организмот помагајќи им на клетките да произведат енергија.