Јадете ореви, ги чуваат срцето и мозокот!

Кога помислувате на ореви, првото нешто што ви паѓа на памет сигурно е дека тие се состојка во колачи и торти, но тие се и идеална закуска или додаток на салати, варен зеленчук или хумус.

Вредноста на оревите сигурно не треба да се потценува. Покрај тоа што се вкусни, тие се полни со хранливи материи, па затоа вреди да се додадат во вашето мени.

Седум јаткасти плодови содржат 18 грама здрави масти, четири грама протеини, два грама влакна, скоро 50 проценти од препорачаната дневна доза на манган, како и помали количини на магнезиум, железо, калциум и витамини од групата Б.

Многу истражувања имаат покажано дека оревите го подобруваат здравјето на дигестивниот тракт и срцето.

Едно од истражувањата што било направено врз возрасни лица со прекумерна тежина, покажало дека нивниот крвен притисок и холестерол се намалиле поради потрошувачката на ореви.

Ова не е прв пат оревите да се поврзат со здравствени придобивки. Конзумирањето ореви редовно може да го намали ризикот од дебелина и срцеви заболувања, бидејќи тие можат да активираат регион на мозокот што вклучува контрола на апетитот.

Оревите придонесуваат и за здравјето на мозокот, а по својата форма личат на овој комплексен орган, задолжен за бројни функции во нашето тело.