Контрола во Гостивар, колку возачите даваат предност на пешаци

Денеска (28 декември) во периодот од 9 до 13 часот полициски службеници на СВР Тетово на тетовско-гостиварското подрачје спровеле акциска контрола за санкционирање на возачите кои не даваат предност на пешаците, во која вкупно биле преземени 14 мерки (Тетово-10 и Гостивар-4).

„Најголемиот број од мерките се однесувале на непропуштање на пешаци на пешачки премин, по што на сите возачи-прекршители изготвени им се соодветни поднесоци и ќе се соочат со парични глоби, кои за овој вид сообраќаен прекршок изнесуваат 250 евра во денарска противвредност, како и со времено одземање на возачките дозволи од три месеци до една година. При контролата, исто така, биле откриени и адекватно санкционирани и 25 други видови сообраќајни прекршоци“, извести СВР.