Калакурница на годинешното доделување на Оскарите

Комичарот Крис Рок, кој беше еден од доделувачите на годинашните „Оскари“, со својот хумор ја навреди глумицата Џејда Пинкет-Смит и нејзиниот сопруг Вил Смит. Тој пак, веднаш потоа отиде до сцената и му удри шлаканица на својот колега.

– Не ја спомнувај жена ми со твојата еб**а уста!, извика Смит.

Шегата на Рок за „Џи Ај Џејн“ се однесуваше на доста кусата коса на Џејда. Западните  медиуми потсетуваат дека таа и претходно говорела за своите проблеми со алопеција.

Брачната двојка Смит подолго време е во незавидни односи со Крис Рок. Полициската управа во Лос Анџелес подоцна потврди за Variety дека Крис Рок „одбил да поднесе пријава“ против Смит.

Една од интригите на вечерта, покрај прогласувањето на победникот и шамарите, беше можното обраќање на претседателот на Украина Владимир Зеленски, кое го побараа некои актери.

Шон Пен, кој снима документарен филм за војната во Украина, изјави дека ќе ги уништи сите Оскари што ги има добиено досега доколку Зеленски не зборува.

Обраќањето на претседателот на Украина не се одржа.