Возат патници во „крш“ автобуси и комбиња, во Гостивар казнети 9 превозници

Полициски службеници на СВР Тетово вчера (19 април) од 11 до 15 часот, спровеле акциска контрола на возила кои вршат јавен превоз на патници, претежно автобуси и комбиња, во која вкупно биле откриени и санкционирани 13 недостатоци, односно прекршици. Од нив 4 во Тетово, а 9 во Гостивар.

„Пет од контролираните возила не поседувале потребни документи, а кај 8 возила била констатирана техничка неисправност. Од нив, 5 имале неисправни сопирачки додека 3 биле со неизвршен технички преглед.“, информира СВР.

На сите им се изготвени соодветни поднесоци, а 5-те возила со неисправни сопирачки веднаш се исклучени од сообраќај.При контролата, исто така, санкциони се и 5 други видови сообраќајни прекршоци.