Денес започнува 54-то издание на “Мавровски меморијал”

Од денес до 15 февруари на терените во Маврово ќе се одржи традиционалниот, 54 по ред Мавровски меморијален турнир во крос кантри. Најстарото натреварување од овој вид на Балканот.

Маврвоски меморијал се одржува во чест на загинатите градители на хидроцентарлата Маврово кои во страшна лавина загинаа во 1956 год. Во таа лавина загина 38 градители и 18 спасувачи од југословенската народна армија.
Од 1957 година група на ентузијати со чел да не се заборави големото дело на загинатите градители и спсаувачи го организираа првиот куп кој едноставно е наречен Маврвоски меморијал.

Низ годините Маврвоскиот меморијал прерасна од локален во републички па во државен и балкански, се до денес кој е еден од најзначајните континентални купови во Европа.

Отворањето е во понеделник, а во вторник и среда се трките во женска на пет и машка на 10 километри. Новина за оваа година е трката за деца, генерација 2002/2003 и 2004/2005, кои се планирани за 16-ти и 17-ти февруари.

– Конкуренцијата ќе биде силна, ќе настапат најдобрите од регионот што бркаат норми за настап на Зимските олимписки игри (ЗОИ) 2018 во Пјонгчанг и затоа очекувам квалитетни и неизвесни трки. Што се однесува до македонските нордијци би бил задоволен со еден до два пласмана меѓу првите 10 и под 100 ФИС-поени, што би било уште еден чекор поблиску до А-норма за Пјонгчанг. Во моментов имаме двајца евидентни кандидати за таква норма (Ставре Јада и Дарко Дамјановски – н.з.) и јас се надевам дека, ако не сезонава, најдоцна до крајот на годинава ќе имаме скијач со олимписка норма – вели селекторот и тренер на македонските нордијци Ѓоко Динески.

За 54-от Мавровоски меморијал се очекува учество на повеќе европски држави: Македонија, Србија, Грција, Словенија, Бугарија, Босна и Херцеговина, Хрватска, Црна Гора, Турција, Романија и многу други.