Денеска започнa гласањето за десетите парламентарни избори

Денеска започнува тридневното гласање за десетите парламентарни избори во земјава, за 120 места во парламентот се борат 15 политички партии. Гласањето започнува со лицата со Ковид-19 и во самоизолација, чии барања беа прифатени од Државната изборна комисија.

Денеска, 13 јули, ќе гласаат болните од Ковид и лицата во изолација. Вкупно ќе гласаат 716 такви лица во целата држава. За ова гласање формирани се посебни избирачки одбори во чиј состав ќе бидат тројца здравствени работници и претставници на политичките партии.

Утре, 14 јули, вторник, ќе гласаат болните и изнемоштени лица, лицата во старските домови, затворениците и лицата во домашен притвор. Вкупно 8852 лица. Ова гласање ќе го спроведат стандардните избирачки одбори.

Во среда, на 15 јули гласањето ќе започне во 7 и ќе трае до 21 часот. Гласањето ќе се одвива на 3390 избирачки места, а право на глас имаат 1.814.263 граѓани.