Државата плаќа обука на невработени фризери и лични асистенти во Гостивар

Невработени лица од подрачјето на Гостивар, имаат можност да се пријават во Работнот клуб на Центарот за вработување, за учество во обуки за побарувани занимања на пазарот на трудот, за кои ќе добијат месечен надоместок.

Конкретно се работи за обука за личен асистент на лица со попреченост, за што е потребно минимум средно образование и обука за основно ниво на фризер, за што е потребно завршено најмалку основно образование.

„Обуката ќе се реализира во период од 3 месеци, а по завршување на обуката кандидатите ќе изведуваат секојдневна практична работа во реални услови кај работодавачи во времетраење од еден месец. Лицата вклучени во обуките ќе добијат месечен надомест од 9.000 денари, со вклучено осигурување за инвалидност и телесно оштетување причинето со повреда на работа и професионалан болест и данок на личен доход за времетраењето на обуката. Невработените лица кои ќе ја завршат обуката, практичната работа и успешно ќе го положат предвидениот испит, ќе се стекнат со Сертификат издаден од верификуваните спроведувачи на обука. На корисниците на паричен надоместок и на корисниците на правото на парична помош од социјална заштита, за времетраење на обуката не го губат ова право.

Крајниот рок за пријавување е 20 март, 2019 година.