Двајца гостиварци лишени од слобода, со возило удриле човек и го нападнале

МВР соопшти дека на 4.03.2022 во 15.30 часот во Гостивар полициски службеници од Полициска станица Гостивар лишиле од слобода двајца гостиварци на возраст од 51 и 48 години, затоа што околу 12,40 часот во Гостивар во близина на бензинска пумпа со патничко моторно возило „мерцедес“ со гостиварски регистарски ознаки, удриле во 56 годишен жител на Дебреше со кого и претходно имале недоразбирање, а потоа излегле од возилото и физички го нападнале.

По настанот дебрешанецот бил пренесен во Комплекс клиники „Мајка Тереза“ во Скопје за укажување лекарска помош.

По целосно документирање на случајот ќе биде поднесен соодветен поднесок, извести полицијата.