ЕДЕН ДЕН СО: Иван Петровски, доктор специјализант по пулмологија и алергологија

Кои се твоите утрински ритуали и навики?

Моето утро најверојатно не се разликува од останатите луѓе со работни обврски. Утринското кафе и брзиот појадок се мојот почеток на денот.

Како тече еден твој работен ден?

Работниот ден ми започнува од 8 часот со состанок на кој се реферира состојбата на пациентите кои се на нашето одделение. Потоа се упатувам на оддел за дневни обврски кон нив и амбулантските пациенти. Турбулентен ден со многу пациенти и колеги кои работиме заедно во еден тим е секојдневие на кое полека се навикнав. Времето поминато со секој пациент и работата со нив ме исполнува, среќен сум што можам да им помогнам.

Со што го исполнуваш слободното време?

Во слободно време сакам да се релаксирарм и спортувам. Играм фудбал, трчам по кеј, а и некако секогаш наоѓам време за кафе и дружба со најблиските. Натпреварите на КК Гостивар се посебна приказна.

Како е да се биде медицинско лице во време на пандемија?

Да се биде медицинско лице во време на пандемија е огромен предизвик, на кој секој здравствен работник мораше и мора да одговори со надчовечки сили, впрочем како што доликува на нашата професија. Претешки денови исполнети со многу предизвици и непредвидливи ситуации кои бараат максимален фокус и енергија. Среќен сум што го поминавме тој период во кој пандемијата не раздели од многу наши блиски, се надевам нема да се повтори.

Што е најтешко во твојата професија?

Сметам дека е најтешко да се постави границата на емоционалната поврзаност со пациентите и нивните судбини. Да се покаже емпатија кон пациентите е обврска на секој доктор и медицинско лице, но да се разграничи тоа, за мене е најтешкиот дел во мојата професија.

Која ти е најголемата неостварена желба?

Навистина, тешко прашање…