Еве зошто е важно да јадете зелен лиснат зеленчук во текот на летните жешки денови

На лето секогаш ни е жешко и бараме начин да се разладиме и прилагодиме на времето. Освежување можеме да најдеме и во храната, која ни помага да го прилагодиме телото на високите температури.

Зелениот лиснат зеленчук е одличен извор на хранливи материи, како што се калциум, магнезиум, калиум, витамини Ц и К, влакна и железо. Затоа се препорачува да се вклучи во секој оброк.

Ако немате идеја каков зелен лиснат зеленчук да изберете, еве неколку предлози.

Спанаќ: богат е со калиум и железо, а содржи и витамин Ц.

Ајсберг салата: се издвојува по високата содржина на вода и е многу освежително и здраво јадење.

Тиквички: тие се една од главните летни намирници, богати со калциум, калиум и фосфор.

Блитва: овој зеленчук е нискокалоричен и богат со вода, влакна, витамини и минерали.

Рукола: една од главните салати за подготовка во летните месеци содржи антиоксиданси, магнезиум и калциум.

Кељ: овој зеленчук има високо ниво на витамини А, Ц и К, а богат е и со железо, фосфор и калциум.