Fish and chips – најпознатото британско јадење

Претпоставуваме дека сте слушнале за риба и чипс. Станува збор за најпознатото британско јадење кое таму е познато како „fish and chips“. Ви го пренесуваме рецептот токму за тоа јадење. За 4 лица ќе ви бидат потребни следните:

СОСТОЈКИ
● 400 гр филе од бакалар
● масло за пржење

за пивско тесто
● 200 гр брашно
● 3 дл пиво
● сол
● ½ мала лажица сода бикарбона
● малку масло

Подготовка:
Чекор 1: насечете го свежото филе од бакалар на поситни парчиња. Ставете им брашно и ставете ги во пивско тесто.

Чекор 2: за да го направите пивското тесто, измешајте ги брашното и пивото. Потоа додадете сол, сода бикарбона и малку масло.

Чекор 3: пржете го бакаларот во многу масло, додека не добие златно-жолта боја. Сервирајте со пржени стапчиња компир.