Фридом хаус: Македонија е делумно слободна земја

Македонија и оваа година е делумно слободна земја според најновиот извештај на Фридом Хаус, „Слободата во светот 2017“. Земјава е меѓу најлошо рангираните европски земји, со вкупно 57 поени на скалата од 0 (најлошо) до 100 (најдобро).

Зад Македонија, во Европа, се наоѓаат само Белорусија, Русија, Турција, Босна и Херцеговина и Косово.

Од организацијата регистрираат назадување во политичките и граѓанските права и кај голем број од „слободните“ држави, како Србија, Унгарија, Франција, САД, Бразил и други.

Регионите на Блискиот Исток и Северна Африка имаат најлоши рејтинзи во светот во 2016, додека блиску до нив се наоѓа и евроазискиот регион.

Најслободните држави, со перфектен скор од 100 поени, се Норвешка, Шведска и Финска следени од Канада и Холандија кои имаат 99 поени.