Гостиварец приведен поради фотографирање на гласачките ливчиња

Педесет и тригодишен жител на Гостивар, попладнево бил приведен во полициска станица, откако ги фотографирал гласачките ливчиња, потврди портпаролот на СВР Тетово, Марјан Јосифоски.

Според информациите од полицијата, настанот се случил на избирачко место во ОУ „Единство“ во Гостивар. Избирачкиот одбор, пријавил дека лицето ги фотографирало гласачките ливчиња со својот мобилен телефон, откако завршило со гласањето. Лицето е приведено и задржано во Полициска станица и во координација со Јавен обвинител се работи на расчистување на случајот, соопштува полицијата.