Гостиварската полиција уапси тројца бугарски државјани поради кражба

Триесет и шестгодишната босанска државјанка М.П, вчера пријавила дека околу 11 часот, на бензинска пумпа на Стража, каде застанал автобусот со кој патувала од Охрид кон Гостивар, од чантата и бил украден паричникот со пари и лични документи.

Набрзо, на наплатната станица Гостивар запрено е патничко возило „Џета“ со бугарски регистерски ознаки, во кое се наоѓале машко и две женски лица, бугарски државјани: Н.Н.М.(50 ), М.Т.М.(48 ) и Д.Г.К.(40 ), соопштува полицијата.

Бугарските државјани приведени и задржани се во Полициската станица Гостивар за целосно расчистување на случајот, по што ќе следува соодветен поднесок, додека одземените парични средства пронајдени се кај нив и вратени и се на босанската државјанка М.П.