Технологија
Инстаграм со нови рестрикции и „тивок режим“
Кога се борите да заспиете, честопати може да биде примамливо да посегнете по телефонот и да почнете да “скролате” низ Инстаграм. Ова ќе се промени, благодарение на најновото ажурирање.
Компанијата Мета, која ги поседува Инстаграм и Фејсбук, објави две нови алатки со кои сака да им помогне на тинејџерите, а и на сите други корисници подобро да го организираат своето време на апликациите.
Ажурирањето е дизајнирано да им овозможи на младите луѓе да имаат контрола врз нивните искуства на интернет, а родителите да имаат алатка што можат да ја користат за поддршка на одлуките на нивните тинејџери, се вели во соопштението на Мета.
Со функцијата Quiet Mode, корисниците на Instagram можат да изберат да одморат, да учат, да спијат или на друг начин да се исклучат од апликацијата. Кога ќе излезете од тивок режим, апликацијата ќе ви даде преглед на она што сте го пропуштиле за време на паузата.
Тинејџерите ќе видат и известување доколку поминале 20 минути на апликацијата Фејсбук. Исто така, се тестира нова препорака за Инстаграм, која ќе им предложи на тинејџерите да ја исклучат апликацијата доколку ноќе ја гледаат содржината на Reels.
Ќе биде достапен и нов статус „во тивок режим“, под името на профилот на Инстаграм, за секој да може да го види и да не го вознемирува корисникот.
Тивкиот режим веќе е достапен во некои земји, а наскоро ќе биде достапен и за корисниците на глобално ниво.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот