Здравје и убавина
Јадете костени, ќе „пукате“ од здравје
Овој есенски плод расте во јужниот дел на Европа и на Средоземјето, а го има и кај нас. Во поедини записи се наведува дека костенот е една од првите намирници кои луѓето ги конзумирале. Освен убавиот вкус, костенот е многу здрав и има бројни предности во однос на останатото овошје, не содржи глутен па од неговото брашно можат да се зготват бројни јадења што посебно ги радува луѓето чувствителни на глутен.
1. Намирница која заситува
Во 100 g печени костени има околу 245 калории, па од таа причина овие плодови се нарекуваат намирница со високоенергетска вредност. Интересно е што неговата калориска вредност се удвојува со неговата термичка обработка, односно се зголемува количината на белковини и јаглехидрати во плодот.
2. Намирница за режим на исхрана без глутен
Повеќе од 40% од костенот го сочинува скроб, поради што е погоден за подготовка на пире, супа и други слатки и солени јадења. Со оглед на тоа што не содржи глутен, се препорачува на луѓето кои боледуваат од целијачна болест или избегнуваат глутен во својата исхрана.
3. Намирница која ја поттикнува работата на цревата
Костените се одличен извор на влакна кои го намалуваат нивото на лошиот холестерол во крвта, но и ја поттикнуваат работата на цревата, односно подобра и поредовна столица.
4. Намирница која ги заштитува бубрезите и срцето
Костенот е богат со калиум и фосфор, како и со незаситени масти, па затоа се препорачува на луѓето кои патат од болести на срцето и кардиоваскуларниот систем, но и на оние кои имаат бубрежни заболувања. Освен тоа, содржи значителна количина на витамините А, Б и Ц, како и мангана, калциум, хлор, железо и магнезиум.
5. Намирница која го зајакнува имунитетот и коските
Бакарот е минерал кој ја зајакнува силата на коските, помага во создавањето на црвени крвни зрнца, ја подобрува работата на нервите и го зајакнува имунитетот. 80 грама костени дневно задоволува петина од потребата за овој минерал, па во секој случај пепуштете се во уживањето во вкусот на костенот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар