Спорт
„Каква, таква“ стартува новата сезона во Формула 1
Иако, тимовите беа спремни уште во март годинава за старт на првата трка во Австралија, во новата сезона на Ф1, поради корона пандемијата, трките една по една започнаа да се одлагаат. Сепак, за челниците на Ф1 единствена цел беше сезоната да се одржи. Па со тешки маки, некако, се скрои распоредот за нејзино одржување.
Од предвидените 22 трки, засега потврдени се само 8. Со тоа што на првите две патеки, ќе се возат по две трки. Викендов, како и една недела подоцна ќе се вози на “Ред Бул Ринг“ во Австрија, а истиот принцип, односно две трки, се планира да се возат и на патеката “Силверстоун“ во Англија. Потврдени се и трките во Унгарија, Шпанија, Белгија и Италија. Тоа се воведните 8, а од Ф1 се надеваат дека во календарот до крајот на сезоната ќе вметнат уште некоја трка, во зависност од состојбата со корона вирусот во светот.
Трките ќе бидат без навивачи на трибините, а сите учесници имаат добиено посебен протокол за заштита од Ковид-19, по кој мора строго да се придржуваат. Ако се случи да има по некој заразен, шампионатот нема да биде откажан или одредена трка одложена, што е добро за љубителите на најбрзиот циркус во светот.
Хамилтон и Ботас со Мерцедес важат за главни фаворити на овогодинешниот шампионат, но никогаш не смеат да се отпишат Ферари со Себастијан Фетел, на кого ова му е последна сезона во црвениот болид и сѐ подобриот Шарл Леклер, како и Макс Ферстапен од Ред Бул Рејсинг.
Денес се возеше првиот тренинг, утре (сабота) е борбата за пол-позиција, а трката е во недела од 15:10 часот.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!