Какво време се очекува во оваа работна недела?

Од средината на неделава очекувајте затоплување и стабилизација на временските услови. Денес е понеделник, 153-от ден од годината. Сонцето изгреа во 5 часот и 3 минути, а дено т ќе трае 15 часа и 2 минути. Времето ќе биде променливо облачно со локални врнежи од дожд, температурата ќе достигне до 20-от степен.

Утре (вторник) во претпладневните часови времето ќе биде сончево со мала до умерена облачност, додека попладне и кон крајот на денот променливо облачно со врнежи од дожд. Температурата ќе се движи од 10 до 21 степен.  Во среда времето ќе биде променливо облачно со сончеви периоди и локални врнежи од дожд со температури од 11-от до 22-от степен.

Веќе во четврток и петок се очекува сончево и топло време со мала до умерена облачност и пораст на температурите кои ќе се движат од 12 до 25 степени во четврток, односно од 14 до 27 степени во петок.