Вести
Шест фудбалери на Шкендија и Ренова позитивни на Ковид 19
Синдикатот на фудбалери на Македонија, по вчерашното тестирање за Ковид-19 на двата тетовски прволигаши Шкендија и Ренова извести за потврдени шест позитивни случаи од двата табора, четворица од Ренова и двајца од Шкендија. Од синдикатот напоменуваат дека меѓу заразените има и функционери, односно не се сите фудбалери.
„Денес за жал немаме убава вест. По вчерашните тестирања во двата тетовски клуба ФК Ренова и ФК Шкендија имаме позитивни случаеви на Ковид 19. По повторената анализа во лабораторијата на Аџибадем Систина за жал имаме позитивни случаеви. Информацијата ја имавме уште доцна синоќа но чекавме повторена анализа. Затоа денешните тренинзи на овие два клуба беа откажани. Имињата на заразените се уредно доставени до Фк Ренова и Фк Шкендија во текот на денот. Позитивните на Ковид 19 веднаш ќе бидат ставени во самоизолација и домашен карантин. Четворица позитивни има во таборот на Фк Ренова и двајца во таборот на Фк Шкендија. Утре продолжуваме со тестирање и на другите тимови од првата Македонска лига“ – информираат од Синдикатот на фудбалери на Македонија.
Изминатата недела по одлуката на ФФМ, сите прволигаши започнаа со тренинзи за продолжување на сезоната по усвоениот медицински протокол, иако гласни беа рекциите на фудбалската јавност дека се става во ризик здравјето на фудбалерите. Екипата на Ренова беше една од најгласните противници на предлогот да има продолжение на првенството. Сега институтот за јавно здравје, треба да одлучи дали ќе бидат изолирани само позитивните лица или целите фудбалски тимови ќе одат во карантин, по што шансите за продолжение на првенството се минимални.
Претходно беа тестирани екипите на Македонија Ѓорче Петров, Академија Пандев, Борец и Работнички, но без ниту еден позитивен случај на Ковид-19.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар