Ќе не‘ грее есенско сонце и оваа работна недела

Од Управата за хидрометеоролошки работи информираат дека во првата работна недела во ноември ќе се задржи стабилно сончево и релативно топло време.

Денес, понеделник беа измерени утрински температури од 10 степени, дневната ќе достигне до 19-от степен. Не` очекува сончево и ведро време.

Исти временски прилики ќе се задржат и во вторник, со максимални температури до 18-от степен.

Времето во среда ќе биде сончево со мала облачност и слаб североисточен ветер. Температурата ќе се движи од 11 до 20 степени.

Во четврток времето ќе биде сончево со мала до умерена облачност и слаб источен ветер. Дневната температура ќе се движи до 17 степени.

Додека во петок времето ќе биде сончево со мала до умерена облачност и нешто пониско утрински температури ќе се движаѕ од 5 до 16 степени.