КК Гостивар го доби противникот во финалниот Плеј-оф и Купот на Македонија

Со одигрување на последните два натпревари помеѓу Куманово и Вардар и Црн Дрим и МЗТ Скопје кои завршија со интересни резултати, кумановци во борба за 5. место успеаа да ја совладаат екипата на Вардар со +34 поени разлика 112-78, со што ја преминаа екипата на Гостивар на табелата поради подобра кош разлика, и шокантниот пораз на претставникот на земјава во АБА2 лигата, МЗТ Скопје во Струга од дебитантот во Првата лига сезонава, последнопласираната екипа на Црн Дрим 90-88, се комплетира последното 22. коло, со што се формира конечниот распоред на табелата пред почетокот на финалниот Плеј-оф.

КК Гостивар во четвртфиналната борба за титула, ќе се сретне со третопласираната екипа на Еуроникел од Кавадарци.

Останатите двојки се:

Пелистер-Навико ФМП,
Работнички-ТФТ Скопје
МЗТ Скопје-Куманово.

Во полуфиналето ќе се вкрстат победниците од:

Пелистер-Навико ФМП и МЗТ Скопје-Куманово
Работнички-ТФТ Скопје и Еуроникел – КК Гостивар

Иако паровите за КУП натпреварувањето Благоја Георгиевски – Буштур, требаше да бидат познати од поодамна, односно по завршувањето на првиот дел од сезоната 2020/2021, поради многуте одложени натпревари, официјалните двојки се прогласија денес, според конечниот пласман.

„Бело-сините“ од Гостивар на 14.05.2020, повторно ќе се сретнат со екипата на Еуроникел, како и останатите парови и распоред кои се исти како во Плеј-офот.