Клубот со „лавовско срце“ КК Гостивар

Кошаркарскиот клуб Гостивар, лидерот на табелата во македонската кошаркарска Прва лига, со својата публика заштитен знак на Гостивар, по којзнае кој пат надвор од спортските борилишта ја покажува својата големина и хуманост.

Иако, клубот се соочува со безброј препреки во функционирањето, како од технички така и финансиски карактер, сепак „лавовското срце“ одлучи дека во моментов помош им е најпотребна на семејствата погодени од разорниот земјотрес во Албанија. Средствата од влезниците за натпреварот КК Гостивар – Куманово, кои ќе се продаваат по цена од 100 денари, ќе бидат донирани на настраданите од земјотресот во соседна Албанија.