Кога и каков чај НЕ треба да пиете?

Чајот како напиток, особено при постудено време го конзумираат голем дел од луѓето. Генерално, чајот е корисен за организмот, но има неколку работи на кои треба да обрнете внимание за да не згрешите, па наместо корист, чајот да ви донесе штета.

Чај со вкус на цитронско овошје

Една кесичка чај со арома на цитронско овошје може да содржи големи количини олово и алуминиум. Проблемот е во тоа што овие метали имаат негативен ефект на бубрезите и на срцето. Така, ако сакате чај од портокал, направете си го сами: кората од портокал полијте ја со топла вода, а на кесичките заборавете.

Пиење чај после оброк

Чајот му пречи на желудникот во варењето на храната. Затоа овој пијалок, особено кога е врел, не смеете да го користите после оброкот. Дозволете и на храната да се вари нормално. Со пиењето на чајот може да ја влошите состојбата на вашата кожа, коса и нокти. Чајот пијте го 40-50 минути по јадењето.

Јак чај

Јакиот чај е многу штетен за коските. Доколку предолго ја чувате кесичката или сушениот чај во водата, тоа може штетно да влијае на коските и на забите. Тие стануваат покршливи. Освен тоа не треба да се пие повеќе од еден литар чај во денот, односно 4-5 чаши. Прекумерната употреба негативно влијае на вашето тело.

Пиење чај пред спиење

Многу луѓе мислат дека чајот не влијае на квалитетот на спиењето и плашејќи се од кафе, пијат чај. Но, чајот го вознемирува нервниот систем, па дури и ако заспиете веднаш, спиењето ќе биде немирно, а наутро ќе се разбудите ненаспани.