Колку вино пијат македонските граѓани?

Во пресрет на празникот посветен на Св.Трифун, заштитникот на лозјето и лозарите, Државниот завод за статистика излезе со интересни податоци поврзани со виното.

Во Македонија има 48.000 земјоделски стопанства со лозови насади, 88 милиони пенушки засадени на површина од 23.613 хектари, а 77-те винарии произведуваат 78,5 милиони литри вино на точење и 28,05 милиони литри во шишиња. Во домашни услови, пак се произведуваат 70.200 тони грозје и 13 милиони литри вино.

Најмногу се извезува вино во шишиња и тоа во Кина, Русија, САД и Австралија, а вкупната вредност на извозот на вино изнесува 47,7 милиони евра.

Интересно е што податоците од ДЗС, за тоа колку вино пијат граѓаните, се многу различни од оние на калифорниската организација на винари, кои беа објавени лани во мај. Така, според Државниот завод, полнолетниот македонски граѓанин просечно годишно пие по 2,2 литри вино. Бројката е далеку поголема, според истражувањето на организацијата „The Wine Institute“ и стигнува до 40, 4 литри вино годишно.