Почнува “Втора Кошаркарска Лига – Мажи” сезона 2016/2017

Во скоро време нема да има прволигашка кошарка во Македонија. Ситуацијата во елитната кошарка е толку испреплетена и нејасна, што и да напишеме нема ништо да се промени.

Но нашето внимание е свртено кон “Втората Лига – Мажи”. После заслужената летна пауза и покрај веќе редовните недоразбирања, технички проблеми пред почеток на секоја сезона во КФМ. Второлигашката кошарката во државава се враќа под обрачите. И оваа сезона во “Втора Лига – Мажи” ќе се натпреварува КК. Гостивар 2015.

Викендов што следи 29/30 октомври треба да се одигра првото коло во оваа лига. Втората Лига ќе брои десет клубови учесници. „Регистрациска” утврдила дека пријави за настап во оваа конкуренција испратиле:

1. Гостивар 2015 – Гостивар
2. Ангели-Скопје
3. Карпош Соколи-Скопје
4. Тетекс-Тетово
5. Водњански лисици – Скопје
6. Академија ФМП – Скопје
7. Црн Дрим – Струга
8. Шкупи – Скопје
9. Феникс 2010 – Скопје и
10. Радовиш.

Инаку, конечните листи на одобрени играчи за сениорските лиги, потпишани и заверени од страна на Регистрациската комисија на МКФ, ќе бидат издадени најдоцна 48 часа пред започнување на соодветната лига. Клубовите имаат обврска да пријавуваат или вршат измена на играчи со комплетна документација, најдоцна 24 часа пред почеток на било кој натпревар до почеток на вториот дел на првенството.

Во првото коло КК Гостивар 2015 е домаќин на Карпош Соколи. Уште се среќаваат и:

• ФМП Академ – Радовиш
• Шкупи – Ангели
• Црн Дрим – Водњански Л.
• Тетекс – Феникс 2010