Кучиња скитници нападнале 33 годишна гостиварка

Уште еден случај на напад од кучиња скитници во Гостивар. Кучиња се нафрлиле врз 33 годишна гостиварка. Настанот се случил вчера попладне, околу 17 часот, во близина на Основното училиште „Гоце Делчев“ во Гостивар.

Жената се движела по тротоар кога кучињата и ја нападнале, а едното од нив ја каснало и и` нанело повреди. Таа завршила на Ургентен Центар во гостиварската болница каде добила  соодветна лекарска помош по што била упатена на натамошен третман.

Ова е втор ваков случај регисртиран за краток период во Гостивар. Минатата недела 19 годишно момче беше нападнато и каснато од куче бездомник во градскиот парк.