Вести
МВР со апел до учесниците во сообраќајот за поголема внимателност во летниот период
Зачестените сообраќајни несреќи кои деновиве се случуваат на тетовско-гостиварското подрачје, во значителна мерка ги засилија сообраќајно-контролните активности на Секторот за внатрешни работи Тетово, но и потребата сите учесници во сообраќајот да бидат максимално внимателни.
Ова, посебно се однесува на возачите на кои им се советува целосно да ги почитуваат правилата и прописите и пред се да ја прилагодат брзината според условите на патот. Зашто, честите врнежи од дожд придонесуваат коловозите повремено да бидат влажни, лизгави и сообраќајно ризични.
До возачите се апелира, исто така, да не тргнуваат на пат изморени, посебно во доцните вечерни часови, кога можат да заспијат и да ја изгубат контролата над возилата, навреме да ја проверат техничката исправност на уредите за сопирање и светлосните уреди и задолжително да ги користат сигурносните појаси.
Со оглед на осетно зголемениот број возила на подрачјето, им се препорачува да ги избегнуваат сообраќајните „шпицеви“ од 12 до 17 часот, кога се и најфрекфрентни тетовските и гостиварските улици, да не ги оставаат возилата каде ќе стигнат, туку само на местата определени за таа цел и намена и да бидат сконцентрирани и трпеливи.
Докрај внимателни треба да бидат и пешаците и секогаш да ги користат пешачките премини, меѓутоа и непотребно да не се задржуваат на коловоз и на тој начин да ја доведуваат во прашање нивната и безбедноста на другите учесници во сообраќајот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар