Намирници со кои ќе ја подобрите вашата крвна слика

Крвта носи кислород, хранливи материи, хормони, ензими, витамини и минерали до сите клетки во телото. Покрај тоа, крвта е одговорна за отстранување на отпадните материи од телото и ја регулира киселинско базната рамнотежа, како и температурата на телото.

Крвта е важна и од неа зависат сите системи во телото, а еден од многу важните фактори кои влијаат на нејзиниот квалитет е секако правилната исхрана.

Постојат многу намирници кои позитивно влијаат на крвната слика, а ова се само некои од нив кои со редовно користење и внесување во нашиот организам можат да направат само добро.

Аронија

Збогатена со јод, железо, фосфор, калциум и многу други елементи, минерали, витамини и антиоксиданси, аронијата е вистински чувар на крвта, телото и физичкиот изглед.

Со консумирање на 50 грама аронија дневно, таа поддржува речиси 50 проценти од потребниот внес на железо.

Спанаќ

Исхраната богата со зелен зеленчук како спанаќот е многу добра за крвната слика. Спанаќот е богат со железо, како и со витамин Б12 и фолна киселина.

Цвекло

Цвеклото е многу корисно за оние кои страдаат од анемија поради недостаток на железо. Има висока содржина на железо, како и влакна, калциум, калиум, сулфур и витамини.

Цвеклото ќе помогне да се исчисти телото и да се внесе повеќе кислород во телото. Ова за возврат помага да се зголеми бројот на црвени крвни зрнца во телото.

Калинка

Калинката има бројни здравствени придобивки. Таа содржи високо ниво на витамин Ц и ја зголемува апсорпцијата на железо во крвта.