Гостивар
Низа настани во чест на 1.000 години Бигорски манастир – научна конференција, промоција на книга…
Древното македонско светилиште Бигорскиот манастир, годинава одбележува голем значаен јубилеј – 1.000 години од основањето. Во таа чест се организираат и одржуваат низа активности.
Деновиве заврши првата долнореканска научна конференција, насловена: По патеките на Дичо Зограф на која учествуваа десетина звучни имиња од македонската научна јавност: проф. д-р Сашо Цветковски, проф. д-р Елизабета Касапова, проф. д-р Васил Ѓорѓиев, проф. д-р Александар Василески и други.
На завршниот настан старецот и владика Партениј, им се заблагодари на научните работници што со своите дела дадода значаен придонес во одбележувањето на илјадагодишнината на Бигорски. Тој, исто така, посочи колку важно е надлежните институции и поединци да го помагаат културно-историското наследство, но и да имаат правилен однос кон живите споменици, кон монашките братства, кои не само што свето го пазат наследството од предците, туку и го надополнуваат и творат ново.
Денес, (6 септември) во Бигорски ќе биде промовирана книгата Вековит Светилник, на професор д-р Вера Стојчевска Антиќ.
Станува збор за дело пишувано во и за Бигорскиот Манастир и за секојдневниот живот во него. „Всушност, пред десетина години професорката Антиќ доаѓаше во неколку наврати во Бигорски и престојуваше по повеќе дена, така што имаше можност одблиску да се запознае со животот на тогашните браќа и поклоници. Своите впечатоци таа ги запиша на повеќе страници, од коишто и произлезе оваа книга.“, информираа од манастирот.
Светото предание вели дека монахот по име Јован, кој потекнувал од дебарскиот крај, бил исполнет со секаква добродетел, разумен и мудар, се грижел за чистотата и смирението на срцето. Особено голема љубов негувал кон свети Јован Крстител. Еднаш, во шумата, кај изворот што бил во близина на неговата испосница, Јован здогледал силна и чудесна светлина меѓу дрвјата, а кога се приближил, видел како над источникот, oзарена со необичен блесок, лебди икона со ликот на чесниот Претеча. Јован ја зел иконата и се погрижил да ѝ изгради привремен соодветен дом, мал параклис. Во 1018 година Јован бил назначен за Архиепископ на Охридската Архиепископија, но никако не го заборавил своето тивко и возљубено место на покајание. Исполнет со голема љубов и благодарност кон Претечата, во 1020 година подигнал храм во негова чест, каде што ја положил светата и чудотворна икона. Набрзо околу храмот се собрало големо монашко братство. Така, Јован Дебарски станува првиот ктитор на Светата Бигорска Обител.
фото:Бигорски манастир
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ