Гостивар
Нов случај на ХИВ/СИДА кај лице од Гостивар, вкупно се 13
Едно лице од Гостивар е меѓу осумте нови регистрирани со ХИВ/СИДА во земјава, во текот на месец август. Институтот за јавно здравје во августовскиот извештај за заразни болести наведува дека минатиот месец, во земјава пријавени се 8 случаи на ХИВ/СИДА, од кои 3 лица се странски државјани.
„Од пријавените лица, 6 се од машки, а 2 од женски пол. Четири лица се од Скопје (вклучително и странските државјани), две лица од Охрид и по едно лице од Гостивар и Струга. Лицата се на возраст од 21-55 години. Шест од регистрираните лица се хетеросексуалци, додека две заболени лица се припадници на МСМ популацијата (мажи што имаат секс со мажи).“, стои во извештајот.
Со новопотврдениот случај, вкупната бројка на пациенти со ХИВ/СИДА во гостиварско изнесува тринаесет. Првите три пациенти болни од СИДА во Гостивар се регистрираа во 2005 година. Потоа наредната година се регистрираше уште еден заболен, а во ноември 2011 беше потврден позитивен случај на лице заразено со ХИВ. Два хив позитивни случаи на гостиварското подрачје беа едвидентирани во март 2016 година, и по едно хив позитивно лице во 2019-та, 2021-ва и 2022-ра година. Во мај годинава беа потврдени два случаи.
Согласно постоечката евиденција на пријавени случаи (заклучно со 31.08.2023), вкупниот број на лица регистрирани со ХИВ/СИДА во Македонија, за периодот 1987–2023, изнесува 620, и тоа: 123 лица починале и 497 лица живеат со ХИВ/СИДА.
-
Македонијапред 3 месеци
Денеска е Летник
-
Македонијапред 3 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 1 недела
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Гостиварпред 3 месеци
Со љубов и почит кон корените – „Танец“ одржа концерт во Гостивар
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Света архијерејска Василиева литургија во Гостивар со гости од Србија и чин на ракоположување
-
Гостиварпред 2 месеци
Физички напади и групна тепачка вчера во Гостивар